< einischreibn!!
onlousn >

25.12.10 Weihnochtsvideo

Steven Spielberg isch so fa ins begeistert, dass er ins a Weihnochtsvideo zomgstellt hot. Mir sogn danke und wünschn in olle Frohe Weihnochtn!
normale Version onschaugn, oder
Spezial-Version onschaugn

04.12.10 Di nuie Quetschn

Sagada hot a nuis Spielzuig... (Video)

18.09.10 Video far Schupfnwonderung

Böse Zungen hobn behauptet, dass di Haderkrainer ba der Schupfnwonderung gor nit gspielt hobn, sondern sich lei selber unterholtn hobn! Also, wer des behauptet kennt di Haderkrainer nit. Mir kennen des nit oanfoch so im Raum stean lossn und veröffentlichn deswegn eigentlich geheimes Beweismaterial. Domit sollte jeder Zweifel aus der Welt sein, oder??

12.09.10 Schupfnwonderung Welschnofn

Mei, do worn si wieder mol fleissig, di Haderkrainer. In gonzn Tog gspielt ba der Schupfnwonderung in Welschnofn.

Ban Wuhnschupf sein lei so di Fetzn gflogn und der Ruperto (oanfoch lei mehr ban Feten und Urlaub mochn...) hot a unbedingt drbei sein gwellt. Er woas schliesslich, wo wos los isch!

Fotos online!

22.08.10 Haderkrainer sein 5!

Kaum zu glabn! Di Haderkrainer gibs jetz schun 5 Johr! Grund genua amol ordentlich vegetarisch essn za gean und ban Wiesenfest es Jubiläum za feiern...

Endlich gibs a mol wieder a por nuie Fotos, ober der Fotograf wor desmol decht a wia faul. Werd sich ober bold ändern - garantiert! ;-)

De wos ba der Feier di Fotoshow nit gsegn hobn kennen jetz online es Video noamol onschaugn - a Rückblick auf di letztn 5 Johre (so gonz faul isch der Fotograf nor decht nit gwesn *g*).

04.08.10 Xong isch jetz Geschichte

Seit 9 Johr bin i aufn Xongfestival bei der MnozilBrass Blechwerkstott mit dabei, huier wors leider es leschte mol. Aus Finanzielln Gründn wors nimmer meglich Xong weiterlebn zu lossn…

I mecht mi ban Veronstolter Konrad Messner und olln ehrnomtlichn Helfer donkn, dass sie des die gonzn Johre weitergfihrt hobn.

Persönlich hot mir des Festival viel weitrgholfn und motiviert auf der Trompetn weiter zu mochn, wohrscheinlich war a des Projekt mit die Haderkrainer gor nit entstondn, wer woas… In de gonzn Johre honn i viele Musiker und Musikonntn kennenglernt mit de, mir a morts spass ban spieln kob hobn und ausserholb Xong no Kontakt hobn…

Super Konzerte mit Musikgruppn aus der gonzn Welt hot man ban Xong erlebn derfn, bsunders gfolln hot mir die Gruppe Stimmhorn und a Volksmusikgruppe aus der Mongolei de mit Obertongesong ins fasziniert hot…

Ban huirign Obschlusskonzert hot man sich fir an Treffn ohne Xong entschlossn, mol schaugn wos draus werd…

Christian

13.02.10 Perkeo lebe hooooch!

Mit so an Empfong konn der Perkeo lei zufrieden sein!

Der Hofphotograph hot natürlich gonz fleissig Fotos gmocht ober er bittet um a bissl Geduld, bis di gonzn Filme entwicklt sein.

An kloan Vorgeschmock gibs do und do ober do kimmp no viel mehr!

25.01.10 Di vierte Haderkrainer-Maschgra-Tour kimp!

Huier hobn mir ebbes bsunders vorbereitet, weil noch looooonger Zeit wieder a Maschggra-umzug in Salurn organisiert werd. Mehr findets unter www.perkeo.org

Am Unsinnign werd schon friah genua gstartet: Um 11e ibergibt die Gemeindeverwoltung in Perkeo in Dorfschlissl und dodurch hot er es Sogn bis zan leschtn Maschggratog am 16 Februar

Tour Oblauf firn 11. Februar:

  • 11:00 Gemeindeplotz (Schlüsselübergabe)
  • Oltersheim mitn gonzn Perkeogefolge
  • Mittog-essn
  • Start der Tour durch gonz Unterlond, genaun Plan hots nia gebn ;-)

dr Perkeo lebe hoooooch!!!

20.12.09 Frohe Weihnochtn!

Weils decht schun Weihnochtn isch hobmer ins extra Kostüme grichtet und a Koreografie einstudiert, damit mer enk a Weihnochtsvideo präsentiern kennen!

Firn zwoatn Video hobmer sogor a wian Englisch glernt...

10.10.09 Taistner Oktoberfest

Es Taistner Oktoberfest wor wieder amol super. Di Puschtra wissn holt, wia man feiert...! Deswegn seimer a mit an 50er Bus voll Leit kemmen :-)

Der Udo hot wieder amol viel za viele Fotos gmocht, ober sell isch jo nix nuis ;-)

Ollerdings hobn mir gonz insern Ober-Fan vermisst - in Sepp! Wo worsch denn, Sepp?? Ober dofir wor jo di Ingrid... ;-))

Viel Spass ban Foto-onschaugn!

21.06.09 Lentottoludo 2

Di Haderkrainer hobn selber af der offenortigen Geburtstogsfete fan Hansottolino, Lennon und Udo gspielt.

Fotos sein online...

Die Haderkrainer afn Torbognfest 2009

In Sunntig afn Torbognfest gibs a Frühschoppn mit an guatn Essn und fir di guate Musik sorgn di Haderkrainer. Also kemmen!

10.05.09 Frühschoppen BJ Kurtinig

Gonz fit worn di vier Haderkrainer in der Friah no nit, ober ban Frühschoppn fa der Bauernjugend Kurtinig hobn si decht wia gewohnt fir a guate Unterholtung gsorgt... ;-)

Fotos sein online...

24.04.09 Haderkrainer Video 2009 isch fertig!

Gonz frisch: es Video zar Tour 2009. Glei onschaugn!

20.02.09 Fotos fa der Haderkrainer Tour 2009 [UPDATE!]

Die dritte Faschingstour isch a schun wieder vorbei. Mir hobn wieder an Mords Spass kop und es words a olle super drauf! Dass ins a englischer Bus herumfiart hot sich scheinbor a schun weit ummergsprochn... ;-)

Die Fotos sein jetz online. Weils so weanige sein, wieder a por direkte Links:

Apdäit 22.02.09: Der Dave hot ins no a por Fotos gschickt. Glei onschaugn! Donkschian Dave...!

16.02.09 Haderkrainer Tour 2009

Es isch wieder Maschgra-Zeit! In 19.02. seimer wieder auf Tour - an Trailer-Video drzua gibs a! ;-)

29.11.08 OFL Ball in Meran

Di Haderkrainer hobn ban OFL Ball in Meran fir di musikalische Unterholtung ban Bierbudel gsorg und hobn sich gegn a recht laute Diskomusig fa nebenon behauptet. Der Sagada hot praktisch af sein eigenen Ball gspielt!...

Di Haderkrainer hobn ihre loooonge, verschneite Heimreise inzwischen a wieder hinter sich. Foto onschaugn!

11.10.08 Taistner Oktoberfest

In Taisten hobn di Haderkrainer währnd und noch ihrn Auftritt an mords Spass kop. Di Leit worn oanfoch olle guat drau. Inser greaster Fan, der Sepp (Video) isch a extra fir ins kemmen!

Fotos sein a wieder viel za viele gmocht wordn und oan, zwoa Videos...

Inser Nochwuchs-Formularagent Erwin hot es Bier ollerdins nit gonz guat vertrogn... ;-)

PS: Wer's no nit gwisst hot: inser Spitzen-Ziachorglspieler hot jetz an Bort.

04.10.08 Brotfest

Di Haderkrainer hobn wieder afn Brotfest gspielt bis di Lippn nimmer gwellt hobn und koan Mensch mehr ummer wor.

Drnoch hobn si no Brixn a wia unsicher gmocht und der Hansottolino hot mol bisher unbekonnte Charakterzüge gezoag.

Der Bandfotograf wor a wieder drbei, ober er isch holt recht spat kemmen, eiei...

09.08.08 Zwoater Maschgra-Film!

Es hot wiedr aweil gedauert ober mir hobn Probleme mít der Englischn Behörde kob, des video onleinzustelln deswegn hot so long gedauert…

Di Quiin wor ober letztendlich "weri amiusd" und deswegen es video glei onschaugn bevor sie sich's onderscht iberlegt!

25.07.08 Xong

Ende Juli war der Großteil der Haderkrainer eine Woche lang in Mals um sich bei der "Blechwerkstatt" musikalisch weiter zu bilden. Von Zweitstimmen über Ta-Ta-Ummmmmmms, vom "Boarischn" bis zum Raggae, bis hin zur Wiederbelebung des musikalischen Ruderboots in Dur oder Moll gab es vieles zu lernen und zu erleben. Das Gelernte - unter der Leitung vom geduldigen Lehrer Hannes - wurde intensiv bis Morgens um 5 Uhr im Wirtshaus exerziert.

So viel Arbeit erfordert viel Energie die meist im Gasthaus "Lampl" getankt wurde. Kaspar, der Koch, hat uns diesbezüglich recht gut unterstützt, so dass wir das Restaurant mit fünf von 5 Haderkrainer-Sternen weiterempfehlen! (Und die Mitarbeiter sind allesamt scharf darauf, fotografiert zu werden ;-)

Direktlinks:

NB: Auch die Herren Mnozil Brass haben ein paar Pixel eingefangen, die hier zu sehen sind (v.a. das beste Ruderboot); auch das Video sollte man sich zu Gemüte führen!

Update: Jetz gibs es komplette Video fan besten (insern) Auftritt!

(internationals Publikum! also miassmer noch derSchrift redn... ;-)

23.05.08 Speckfest

Zwoa Tog hobn mir ban Speckfest in Boazn in gonzn Nommitog di Leit unterholtn. Inser Pressefotograph isch ober ersch aufgekreizt bol nor di Globalkryner wieder gspielt hobn und hot a por Fotos geknipst (ehm, na, sein nit lei Globalkryner Fotos ;-).

Ollerdings worn sunsch a no a Haufn Paparazzi ummer - wenns ins enkre Fotos fa di Haderkreiner schickts, tat mer ins frein!

PS: Liebe Grüße in insre österreichischn Freunde und... Ö - Kuba 4:1 ...na dann....

28.03.08 Premiere! Erschter Maschgrafilm online

Endlich!! Es hot a weil gedauert, ober endlich isch der 1. Maschgratourfilm (2007) heraussn. Long (iber a Johr) hots gedauert bis es Meisterwerk fertig wor und eigentlich kearats zensiert ober schaugs enk nen oanfoch on...

Es Rohmaterial fa der huirign Tur hettmer a schun af Zelluloid - mol schaugn wia long inser Regissseur desmol fir di Fertigstellung braucht ;)

Film ab! (gonz modern in HTV Qualität)

31.01.08 Die zwoate Maschgratour!

Die huirige Maschgratour werd in der Gschicht eingean... Mir hobn mit insern "kloan Bus" a mords Spass kob, während der Fohrt fleißig in Bussfohrer unterholtn und awia umergebledelt...

Die Tour hobn mir awia obgändert, es wor nit leicht iberoll zu sein ;-)

Start 18.00Uhr

- Keller Hansotto Vorbereitung....

- Ban Tait Drhoam

- Bar Armanduccio

- Puschnschonk ban Walter

- Wirstlstandl Salurn

- Bistro Timmy

- Papa Joes

- Kurtatsch, Maschgra Zeltfete der Bauernjugend

- Koltern "Rundfohrt" weil leider schon ols zua wor.....aiaiai nit guat....

- Und es leschte hommer ban Beck gspielt, gegn 4 holbe 5....

Nebn di weanign Fotos fa insern offizielln Ummerknipser hobn a no a por Paparazzi fa STOL (danke Dave) und Live-Style Fotos fa ins gmocht. So ischs des holt als Stars... ;-)

Wia immer frein mir ins wenns ins a Nochricht im Gästebuach hinterlossts!!!

20.01.08 Maschgratour di 2.!

Huier hommer firn Unsinnign (31.01) ebbes bsunders vor: Wia und wos mir huier speziells mochn isch logisch a Überroschung... ;) Wer ins live segn will oder a nit ;), do sein a poor Etappn aufglistet:

ca. 18.00 Uhr Salurn Dorf iberoll und nirgends quer durch a poor Gosthaiser und Keller...
ca. 20.00 Uhr Kurtinig wenn Teutschhaus offn isch, schunscht direkt papajoes oder kurzer holt in Margreid...
ca. 20.30 - 21.00 Uhr Papajoes Neumarkt (ob papajoes kannts zeitlich a poor verspätungen gebn weil zem sicher an haufn leit sein werdn...und länger dauern kannt... wia leschts johr...)
ca. 22.00 Uhr? Petraspub (ex Witz) in Auer
ca --.--Uhr? Koltern Castello, Noahpub / wo ebbes los isch...
und irgendwo werd donn a no Schluss sein ;)

Mir sein mit an bsundern Shuttlebus huier unterwegs und der isch sicher nit zu ibersechn ;) und wer sich des ols versamt isch selber Schuld, konn sich ober in nächster Zeit die Fotos auf inserer Seitn onschaugn... :)

19.12.07 Weihnochtskrainer

Mir hobn ins gedenkt fir Weihnochtn enk a Gschenkl zu mochn und hobn a poor nuie Liadlan passend zu Weihnochtn
ba der leschtn prob aufgnummen!
In dem Sinne wünschn mir enk no a Frohe Weihnochtn an guatn Rutsch ins nuie Johr und longsom mitn Glühwein, schunscht verbrennts enk die Zung ;)

21.10.07 Rekordfrühschoppn ban Bike

So long hobn mir no nia a Frühschoppn durchgspielt: fa viertlnoch10 bis umma 4e und zwor mit lei 3kurze Unterbrechungen… Najo morts Stimmung isch gwesn und zem konn man es spieln nit oanfoch lossn ;-)

Fotos sein logisch a gmocht wordn! Und wia mer grod ersch gmerkt hobn, seimer sogor gfilmt wordn!

Wer amol sein Ape aufmotzn will findet do und do a por... ehm... Ideen! No comment... ;-)

02.09.07 Milchfest auf dr Fane Olm

A morts Gaudi hobn mir auf'n super organisiertn Milchfest kob und hobn zem am Nochmittog fir Unterholtung gsorgt. A poor Fotos und Videos sein wieder gmocht wordn...

Übrigens gibs seit a poor Wochn insere nuin Leibelen de es ba insere Auftritte erwerbn kennts und a "kloane" Seitn auf
www.myspace.com/haderkrainer

06.08.07 Trinkgebet

In di Steirischn Alpen betet man ondersch.;o)

Quelle/Autor unbekannt.

17.05.07 Globalkryner in Bozen

Huier hobn die Globalkryner wieder afn Speckfest gspielt und des hommer ins nit entgean lossn. Sie hobn wia immer super gspielt und a morts Stimmung gmocht.

Mir hobn holt awia gluschtet wia sie so spieln und inser Presserfotograph isch gonz fleißig gwesn und hot wieder a „poor“ Fotos gmocht, komisch dass die Sängerin olm wieder obn isch…;-)

15.04.07 Frühschoppen in Salurn

Um di Spendnaktion "Ehrenamt in Not" zu unterstützn hot di Bauernjugend fa Salurn a Frühschoppn organisiert. Di Haderkrainer hobn fir di musikalische Unterholtung gsorgt. Fotos sein online.

18.03.07 Josephi Kirchtig

Wia jeds Johr hot die Böhmische ban Frühschoppn der Schützn gspielt und damits in Nochmittog nit longweilig werd hommer insere Instrumente ausgepockt und no mitn restlichn Onsotz kamott awia umergspielt.

Es sein wieder a poor Fotos gmocht gwordn, so auf die 500! der Udo hot desmol sein Rekord gebrochn… An Auswohl isch jetzt Online!

17.02.07 Die 1. Offiziele Maschgratour hobmer erfolgreich obgschlossn! Fotos!

Mir sein eigentlich nit weit kemmen, ober mir hobn a morts Hetz kob. An groassn Donk geat insern Gostmusiker Pomo der Waschbrettlspieler und der Giada, sie hobn ins die Kostüme gmocht.

Insere Tour…

Musig hot nia gfahlt, mir hobn sogor in Schoffär währnd fohrn musikalisch unterholtn… (wia woas man nimmer, besser nit nochfrogn… ;)

Mir werdn bold di gonzn Bewerbungen als Sängerin / Marketenderin / Fän beorbeitn :o) In der Zwischenzeit sein amol di gonzn Fotos fa der Tour zan onschaugn bereit.

Achtung aupassn, Haderkrainer sein in 16.02.07 auf Tour!

Mir wern in Freitig gegn 18.00 odr a spater… mit an Kloanbus startn und apoor Dörfer Südtirols unsicher mochn… weil’s jo (wia die Traminer sogn maschgra) Fosching isch…

Wia mir verkleidet werdn isch a Überroschung…mir wissns jo selber no nit ;-)

Deswegn aupassn!

PS: Inser "virtuells Kellerbiachl" isch dozu do, dass es eppas einischreibs! ;o)

03.02.07 Sängerin und Marketenderinnen gsuacht!

Ba interesse sofort inser Formular ausfilln!

23.01.07 Die erste „singl" – Schollplott...

...isch gepresst wordn und werd bold do zan oarlodn bereit sein!

Hoffentlich kriagmer koane ärger fa die urheberzuigs… *g*

Des sein lei a poor Aufnohmen far leschtn Prob im Probelokal fa dr Kurtinigermuisg weil ins zem dr Udo mitn Schläppi aufgnummen hot. Die Sticklan sein zwor nit perfekt gspielt, weil mir a poor zan erstn mol zommengspielt hobn, es worn lei die nuischtn „Versuachssticklan“, um zu härn wias sich´s onheart…ober mir wern sobold s´ meglich isch bessere empedreis einistelln…

21.01.07 Haderkrainer sein jetzt a im WWW vertretn

Endlich hommers gschofft im virtuell im Internet a onwesend zu sein. ;-)

An groassn Donk geat in Udo, er hot ins olls koschtnlos gmocht… schunscht hättn mir nan nit zan offizielln Pressewebmaster ernonnt… ;-) mehr infos drzua gibs unter „Gschicht“ nochzulesn.
Momentan gibs lei a poor Videos online, de sein insere erstn „Versuachsheandlan“…

Isch eigentlich nix gscheids… ober mir wern versuachn bessere aufnohmen zu mochn… ;-)

Bar nächstn prob sein a poor aufnohmen geplant und wern sie wenn’s ebbes gscheids draus gwordn isch onlein stelln.
Auf der jetzign Seit werd so an ort Niús (News) oder Konzert-togebuach errichtet wo mir a insern Bledsinn einischreibn werdn.

Start - Wer?? - Di Gschicht - Auftritte - Fotos - Videos - Musik - Gästebuach - Kontakt

Probleme mit der Seitn? Meld di ban Udo!